ازاى تفرق بين سيراميك فرز أول وسيراميك فرزثاني ؟ ===============================

aqar zone
Apr 8, 2017
1 min read

كز كده معايا يا هندسة وانت ببساطة تقدر تفرق بينهم بعد كده بسهولة - افتح الكرتونة وافرد البلاط اللى فيها جمب بعضه لو لقيت اختلاف فى تون البلاطة ( درجة اللون ) حتي لو حاجات بسيطة يبقي بتتكلم في فرز تاني او اقل . - حط بلاطة فوق بلاطة ولف اللى فوق لو لفت معاك يبقي فرز ثاني لانها هتلف عشان مقوصة مش مستوية ولو ملفتش يبقي فرز اول وتقدر برده تلمح التقويصة فى البلاطة بعينك لو مسكتها وبصيت عليها من تحت . - حط اربع بلاطات جمب بعض ولاحظ الاختلاف بينهم فى الطول والعرض حتي لو فيه فرق بسيط يبقي برده فرز تاني او اقل . - لو اطراف البلاطة مش محرفة ( فيها تعريجة ) يبقي فرز اول لو فيها يبقي فرز تاني او اقل . - الفرز الاول مفيهوش اى تنميل الفرز التاني فيه تنميل بسيط فى البلاطة ( شروخ بسيطة جدا )