اوعى تنسى ترش الخرسانه الصبح !

aqar zone
Apr 10, 2017
1 min read

يا ترى انت عارف بترش الخرسانة اللى انت لسه صاببها ليه ؟ لو مش عارف ليه .. ركز فى اللى جاى عشان مهم جدا عشان الخرسانة اهم حاجه فى المبنى وهى اللى هتتحمل الضغط كله ، وكل ما كانت الخرسانة متماسكة يعنى الامان والعمر الافتراضى السليم للمبنى ، عشان كده لازم متكسلش فى اى معايير تضمنلك خرسانة ممتازه تحققلك المطلوب من الاجهاد وتحمل الاحمال المطلوبة ، ويعتبر رش الخرسانة الحديثة الصب بالماء احد الضمانات الاساسية للحصول على خرسانة مسلحة عالية المقاومة.

ايوه معرفناش ليه برده ؟ :D هنقول اهو :D ليه بنرش الصبة الجديدة بالمياه بعد ما بتخلص صب بتكون درجة حرارة الخلطة الخرسانية عالية من ناحية ، وحرارة الجو من ناحية اخرى، بصورة تؤدي الى تبخر الماء الموجود في الخلطة الخرسانية. وده خطر جدا ، عشان من غير المياه اللى بتتبخر دى الاسمنت مش هيتفاعل عشان يعمل مادة جلاتينية تتماسك مع الرمل والزلط وده بيتم تعويضة من خلال رش الصبة الجديدة بالماء اكتر من مره فى اليوم الواحد ( ثلاث مرات صيفا ومرتين شتاءا). كا ما تزود الفترة اللى بترش فيها اصبة الجديدة بالماء كل ما كانت الخرسانة عالية المقاومة ومفيش مشكله خالص انك ترش اكتر من 20 يوم ومتقلش بأى حال من الاحوال عن 7 ايام .. ده لمصلحتك انت والله :D #عقار_زون #رؤية_لحياتك